Un petit extrait de cette pièce de théâtre en picard :

 

 

Pièce en 13 scènes

 

(« Ch’c’min involeu » prévu d’être joué en 2020 en picard dans un « Théâtre de papier » par un seul manipulateur, marionnettes plates en construction, sur une bande son)

 

(« Ch’c’min involeu » lu sur table en picard en 2019 par 3 hommes et 3 femmes)

 

(« Ch’c’min involeu » joué en Kamishibaï pour la remise des prix Littérature en picard 2021)

 

 

 

Autres versions

 

 (« Voies en déroute », joué en 1982 en français par 4 comédiens, 8 comédiennes et une marionnette)

 

 (« Perte en ligne » joué à France Telecom en 1994 pour la présentation d’un Centre de Construction des Lignes en marionnettes existantes, voix enregistrées et enregistrement vidéo … perdus !)

 

(« Voies en déroute » joué en 2008 en français dans un « théâtre de papier » par un manipulateur. Marionnettes en papier et théâtre en carton détruits)

 

 

 

21 Personnages et 6 rôles muets

 

COURTISAN 1 

 

COURTISAN 2

 

PRÉSIDENT ENTREPRISE

 

MINISTRE

 

Gardes qui portent le ROI (carte à jouer ?) (Rôles muets)

 

JOURNALISTE

 

OUVRIER 

 

AGRICULTEUR

 

RIVERAIN (peut être le restaurateur ?)

 

CLOCHARD ;

 

MENEUR DE JEU

 

PROSTITUE

 

FLIC 1

 

FLIC 2

 

VOIX OFF (Commissaire au téléphone) ; COMMISSAIRE HERCULE

 

JACQUES

 

RESTAURATEUR (peut être le riverain ?)

 

JANE (espionne) 

 

AVEUGLE ; GORILLE ; SUPER DUPONT (rôles muets)

 

COURTISAN 1 (dans une poubelle)

 

4  espionnes : RUSSE ; ALLEMANDE ; AMERICAINE ; JAPONAISE

 

VOIX OFF (metteur en scène)

 

 

SCENE 1

 

Personnages :

 

COURTISAN 1 ; COURTISAN 2 ; PRÉSIDENT ENTREPRISE ; MINISTRE

 

 

 

COURTISAN 1 : Y n’d‘os pu !

 

COURTISAN 2 : Vraimint

 

COURTISAN 1 : Bin ouais ! Y n’d’os pu !

 

COURTISAN 2 : C’mint cha ? Ch’est po posib !

 

PRÉSIDENT ENTREPRISE : Eh ! Ch’minisse … Té sais ?

 

MINISTRE : J’sais !

 

PRÉSIDENT ENTREPRISE : C’mint ? Té l’sais ?

 

MINISTRE : J’dos tout savoir !

 

PRÉSIDENT ENTREPRISE : Ch’est normal ! Tin boulot, ch’est d’tout savoir !

 

COURTISAN 1 : Cha m’laiche comme deux ronds d‘flin !

 

COURTISAN 2 : Mi, j’in sus tout flagada !

 

COURTISAN 1 : In si biau c’min !

 

COURTISAN 2 : L’ c’min pou nos vaginches !

 

COURTISAN 1 : L’c’min pou ches échinges !

 

COURTISAN 2 : In c’min qu’nos rô y avot fait faire pou nous ottes !

 

PRÉSIDENT ENTREPRISE : Li aveu vou dit à no rô ?

 

MINISTRE : Ch’est à ti d’li dire ! Ch’est ti qui l’os faite … Té n’d’es responsab’ !

 

PRÉSIDENT ENTREPRISE : Mi ? Dire à ch’rô qu’in os pus d’trache ed no pu bielle autoroute ? Ch’l’autoroute qu’os disparu ?  Eune comminde qu’j’os eu tint d’mau à avoir ! Qu’j’os du m’faire tint d’soucis ! J’poros pos li dire cha comme cha !

 

MINISTRE : A propos … Bocop d’ermerchimints pou ches « soucis » qu’vos aveu verseu sus min cawte ed binque !

 

COURTISAN 1 : Dire qu’cha d’vos êt’ l’pus biau c’min ed no royauté !

 

LES QUATRE :

 

1, 2, 3  Picardia , Picardia

 

Tous tes définseus

 

Comm’ cha, y veul’t causeu

 

Vive not’ biau language !

 

Picardia, Picardia, no v’là

 

COURTISAN 1 : Breyons ! Breyons ! No parlache est in dingeu !

 

PRÉSIDENT ENTREPRISE : Duchmint ! Y vos t’intinde !

 

COURTISAN 2 : Quo ? Ch’rô y n’sait pon ?

 

MINISTRE : In do li annoncheu !

 

COURTISAN 2 : Ah ! Ouais ! L’annonche faite à ch’rô !

 

PRÉSIDENT ENTREPRISE : Freumeu vos bouques ! Lé v’là !

 

 

 

 

 

Musique. Ch ‘rô y rinte porteu par ches gardes.

 

Ches courtisins font ch’haie pis y s’pinche d’vint li

 

PRÉSIDENT ENTREPRISE tinte ed li serreu el min …

 

TOUS y s’pousse pou in avint qu’ch’os fuche ch’l’otte qui cause …

 

 

 

 

SCENE 2

 

Personnages :

 

COURTISAN 1 ; COURTISAN 2 ; PRÉSIDENT ENTREPRISE ; MINISTRE 

 

Gardes qui portent le ROI (ne parle pas. Présence : Carte à jouer sur roulettes ? Avec gardes ?)

 

 

 

MINISTRE : No rô, in do vos annocheu eune saquo fénomémal :

 

COURTISAN 1 : A crié v’nez vir’

 

COURTISAN 2 : Qu’ch’est pon croyap’

 

MINISTRE : Impousip’

 

COURTISAN 1 : Surprénint’

 

COURTISAN 2 : Etonint’

 

MINISTRE : Abonimap’

 

COURTISAN 1 : Qui vos faire eu tas d’tintoin

 

COURTISAN 2 : Qui vos vos ébeubir

 

MINISTRE ; Indingne

 

COURTISAN 1 : Teinnante

 

COURTISAN 2 : Echouissinte

 

MINISTRE : Qu’cha os pon d’boin sinsse !

 

COURTISAN 1 : Déclatchinte !

 

COURTISAN 2 : Qu’in attindot pô !

 

MINISTRE : Comm’ eu cop d’ernu qu’y s’déclaque dins eu ciel bleusse !

 

 

 

PRÉSIDENT ENTREPRISE

 

(s’avance et parle à l’oreille du ROI qui ne comprend pas. Il prend le ROI comme un micro et chante)

 

 

 

Min rô, y faut vos dir’

 

Vo tiot c’min s’os involeu

 

Involeu, ch’est pon croyap’

 

Involeu, j’in sus malat’

 

J’avos donneu chou qu’y falleu

 

Des doub’ in quintiteu

 

D’s’ouverriers mal pai-ieux

 

D’s’ ingins espécialiseu

 

 

 

Et’ importint, ch’est pon eu jeu

 

Sins s’arrêteu, faut s’occupeu

 

 

 

J’os d’s’imprunts à rimbourseu

 

D’s’actionnaires à continteu

 

D’s’implo-ieu à licinsieu

 

Des gueuletaws’ à digéreu

 

Ch’est eune cop dur c’t’ avinture

 

J’ai rin fait d’mau, jé l’jure

 

Y faut pon s’pai-ieu m’cahouette

 

Faut pon m’ajoeu aveuc eune gaiette

 

 

 

Et’ importint, ch’est pon eu jeu

 

Sins s’arrêteu, faut s’occupeu

 

 

 

MINISTRE (prenant le ROI) : Min rô, j’prinds cheulle saquo in man

 

 

 

 

SCENE 3

 

 

 

Personnages :JOURNALISTE qui entre en scène

 

 

 

JOURNALISTE :

 

Picardia, cheulle preume

 

Mes gins, adé,

 

Ches pus importints tit’s ed no jornal :

 

Ch’rô d’Picardia a volu li meumme rinde eune tiote visit’ à ches viux. In sortint, no rô nous os dit :

 

« Ches viux sont ceusses qui défunctent l’pusse ! Ch’est hontab’ et laminteu ! »

 

Ch’consel des minisses : In os abordeu ch’problém’ d’l’involeu dech tiot c’min. Ch’rô os annoncheu qu’ch’l’inquête os c’mincheu … « Tout s’ros dit sus cette affoère pon croyab’ Tou ches comprein-noer y vont s’mette in route !»  os dit ch’minisse ed ddins in ouidiant dech consel

 

Noir

 

 

A SUIVRE SUR DIX AUTRES SCENES ....